O Clúster Galego de Solucións Ambientais e Economía Circular puxo en marcha un proceso de selección dun Responsable de Proxectos que axude á organización para cumprir a súa misión de incrementar a capacidade tecnolóxica, a innovación e a competitividade das empresas galegas que achegan solucións ambientais para seguir avanzando no camiño da economía circular.
Trátase dun posto estable de nova creación destinado a dar apoio á xerencia, con versatilidade para asumir labores de xestión administrativa, de coordinación de proxectos, así como capacidade para representar ao clúster cando sexa necesario.
Nesta ligazón tes acceso á información completa sobre esta oferta de emprego, á que podes presentar a túa candidatura enviando o teu currículum vitae ao correo viratec@viratec.gal